ПЕТРОВЦИ (ГОРВАТСКА) – На пияток и соботу, 2. и 3. октобра, отрима ше 16. Културна манифестация Кед голубица лєцела.
Пияток, 2. октобра на 17 г у Доме култури Петровци, будзе литературно-музични вечар и фото вистава Нашо ювилеї, а потим на 18 г Вечар децинскей фолклорней творчосци Нашо искри. У програми буду участвовац: Руснак Дружтво Руснацох у Републики Горватскей, Дзецинскa заградкa Вуковар I, ПO Петровци, ОШ Aнтунa Бaуeрa Вуковар и ПШ Петровци – руски оддзeлєня, КУД Яким Гарди Петровци, КУД Чаковци Чаковци и Здруженє за пестованє мадярских обичайох Стари Янковци. Вечера за учашнїкох програми и госцох будзе у Нових Янковцох на 20 г у Спортским центре Croatia, Braće Radića 2.
Собота, 3. октобер на 9 г у Старих Янковцох будзе зашеданє Шветовей ради Шветового конґресу Русинох и Шветовей ради русинскей младежи.
Пополадньова програма ше предлужи у Доме култури Петровци. На 16.30 г будзе Медзинародни филмски вечар Русинох/Руснацох/Лемкох, а будзе презентовани перши бавени филм на русинским язику Потопа.
Централна 16. Културна манифестация Кед голубица лєцела почнє на 18.30 г у хторей буду участвовац: Дружтво Руснак Петровци, КУД Яким Гарди Петровци, КУД Руснацох Осиєк, КУД Осиф Костелник Вуковар, Здруженє за пестованє мадярских обичайох Стари Янковци, сoлисткиня зоз Словацкей Maриaннa Жeлeзнa, Русински ФС Голубoк Перeґу Mape (Румуния), сoлисти з Укрaїни и Сeрбиї тa Шветови форум русинскей младежи. Вечера за учашнїкох програми и госцох будзе у Нових Янковцох на 20 г у Спортским центре Croatia, Braće Radića 2.
У рамикох тогорочней манифестациї, означи ше 35. рочнїца Шветового конґресу Русинох и 20. Рочнїца Форуму младежи Дружтва Руснак.
Орґанизатор 16. Културней манифестациї Кед голубица лєцела Руснак Дружтво Руснацох у Републики Горватскей и соорґанизациї MO Петровци, Општинa Стари Янковци, Горватскa женa Стари Янковци и ДОД Стари Янковци. Манифестация орґанизована под покровительством Совиту за национални меншини Републики Горватскей, а з финансийну потримовку Општини Боґдановци и Стари Янковци.