АПОСТОЛСКИ ЕҐЗАРХАТ – Млади з Апостолского еґзархату за грекокатолїкох у Сербиї ше и того року можу приявиц за Паломнїцтво довирия до Тезеу у Французкей, а на поволанку братох з манастиру Тезе.
Паломнїцтво будзе од 21. юлия по 3. авґуст, а попри Тезеу, плановане нащивиц Рим, Ментон, Лион, Берн, Верону и забавни парк „Ґардаленд”. Цена Паломнїцтва 200 еври, у чим ураховани шицки трошки.
На Паломнїцтве ше мож опредзелїц за три роботни ґрупи – за шпивацку, ґрупу хтора преглїбює виру, лєбо за ґрупу хтора седем днї препровадзи у цихосци у манастире Тезе.
Приявиц ше мож до конца того тижня, по 16. юлий, Иванови Гардийови на тел. 063/88-96-467, лєбо по е-адреси: hardi.ivan@gmail.com, а од Гардия мож достац и вецей инормациї о Паломнїцтве.