КУЛА – Канцелария за младих Општини Кула ше уключела до кампанї „Поведз нє насилству”, хторей циль информованє младих о тим проблему, а хтору порушал Портал „Млади”, у сотруднїцтве з нєвладовима орґанизациями, канцелариями за младих, здруженями гражданох и визначнима поєдинцами.
Кампаню потримал Центер за розвой нєформалного образованя гражданох з проєктом „Насилство нє ма оправданя”, хтори ше активно запровадзує на националним, алє и локалним уровню.
Циль кампанї же би ше цо векше число гражданох, насампредз млади, информовало о файтох и формох насилства, алє и же би ше през роботнї и дискусиї порушало на здружену борбу процив насилства у своїх штредкох.
Вецей о тей теми мож найсц на сайту Портал „Млади”.