РУСКИ КЕРЕСТУР – У Хорскей сали Дому култури у Руским Керестуре нєшка на 18 годзин будзе отримана Месна смотра рецитаторох, у орґанизациї Културно-просвитней заєднїци општини Кула и керестурского Дома култури.
Рецитаторе ше буду змагац у трох возростох – тройо у старшим, осмеро у штреднїм и петнацецеро у младшим возросту, хтори вчера вибрани на школским змаганю у Школи „Петро Кузмяк”.
Госци на Смотри буду дзеци зоз керестурского оддзелєня „Цицибан” Предшколскей установи „Бамби” зоз Кули, як и школяре Школи за основне музичне образованє Кула, оддзелєня у Руским Керестуре.
Општинска смотра рецитаторох будзе 9. марца у Кули.
(На насловней фотоґрафиї побиднїки прешлорочней Месней смотри рецитаторох)