ЖАБЕЛЬ – У 22. колу Подручней фодбалскей лиґи Нови Сад, хторе одбавене 23. априла, фодбалере ФК Бачка 1923 зоз Дюрдьова страцели у стретнуцу зоз фодбалерами ЖСК, зоз резултатом 3:2.
Домашнї барз добре почали. Перши ґол на стретнуцу дали уж у 8. минути. У 27. минути Милан Роґич копнул до лабди и вона закончела у процивнїцким ґолу. Перши полчасц закончени зоз нєришеним резултатом 1:1.
У другим полчаше фодбалере ЖСК бавели ище лєпше и удало ше им посцигнуц други ґол, на початку другого полчасу, у 49. минути. Знова Милан Роґич у 67. минути посцигнул ище єден ґол зоз хторим Бачка, виєдначела резултат.
Нєизвесносц публики претаргнул треци ґол ЖСК у 72. минути. Теди ше уз могло нагаднуц хто будзе побиднїк на тим стретнуцу, алє чекало ше конєц же би ше Жабельчанє могли радовац побиди.
После того кола Бачка ище вше на пиятим месце на таблїчки зоз штерацец єдним бодом. У шлїдуюцим колу дюрдьовских фодбалерох чека стретнуце зоз новосадску Червену гвизду.