ДЮРДЬОВ – У просторийох Културно-уметнїцкого дружтва „Тарас Шевченко” у Дюрдьове, нєшка вечар, 3. фебруара, од 20 годзин будзе Бал широких сукньох.
Орґанизована будзе и богата томбола, а присутних будзе увешельовац Тамбурови оркестер Коцурски бетяре. До цени уходнїци од 3.000 динари ураховани вечера и ошвиженє. Жени и дзивки хтори ше поприбераю до святочней рускей широкей сукнї уходнїцу нє плаца.
Уходнїцу мож резервовац при Владимирови Балїнтовому на число телефона 064/2780235 и при Мирославови Саламуновому на число телефона 064/4201260.