ЖАБЕЛЬ – У 20. колу Подручней фодбалскей лиґи Нови Сад, хторе одбавене 5. априла у Жаблю, фодбалере ФК „Бачка 1923” зоз Дюрдьова бавели зоз фодбалерами ФК „ЖСК”, а резултат на концу стратнуца остал виєдначени, 0:0.
Жовти картон у екипи Бачкей достали Райко Станкович, Предраґ Маркович, Илия Данґубич, а после двох жовтих, червени достал Янко Вуйович.
На стретнуцу було надосц жовти картони. Домашня екипа мала 3, а Дюрдьовчанє аж пейц, од чого єден фодбалер достал два жовти, та самим тим и червени картон.
После того кола Бачка спадла на тринасте место на таблїчки зоз осемнац бодами. У шлїдуюцим колу дюрдьовских фодбалерох обчекує и други општински дерби. Вони на домашнїм терену дочекаю екипу ФК „Єдинство” зоз Ґосподїнцох.