ДЮРДЬОВ – У просторийох Културно-уметнїцкого дружтва „Тарас Шевченко” всоботу, 4. фебруара, отримани двацец перши ,,Бал широких сукньох”.
Присутних госцох привитал член Управного одбору Микола Кухар.
На балу ше дружело и вешелєло осемдзешат осем особи, а до шветочних шматох ше поприберали мац и дзивка, Лидия и Кристина Хромиш зоз Дюрдьова.
Томбола на тогорочним балу була богата и рижнородна. Главну награду, бициґлу, достали супружнїки Звонко и Єлена Салаґ зоз Дюрдьова.
За веселу атмосферу бул задлужени Тамбурови оркестер „Коцурски бетяре”.
