ЖАБЕЛЬ – Центер за младих општини Жабель означел першу рочнїцу роботи. На преслави були присутни школяре школярского парламенту и директорка Штреднєй школи ,,22. октобер”, чийо школяре поряднє участвую на роботньох и едукацийох у рамикох того центру. Тиж так, присутни бул и предсидатель општини, як и члени Општинскей ради и директоре явних институцийох општини Жабель.
На шветочносци були представени витворени резултати у першим року роботи, як и активносци, стратеґиї и крочаї хтори у найвекшей мири означели роботу Центру за младих. Фокус бул на нєпостредней роботи зоз младима, на розгваркох и активносцами хтори значни за змоцньованє политики младих у тей локалней самоуправи.
Предсидатель општини Жабель Урош Радованович визначел же потримал идею снованя центра хтори младим понукнє шицко цо им нєопходне за професийни розвой и усовершованє.