РУСКИ КЕРЕСТУР – Ище єдна Манифестация домашнїх продуктох „Домашнї шпайзˮ, отримана у тим року, всоботу, 30. новембра у Спортскей гали у Руским Керестуре, у орґанизациї Здруженя женох „Байкаˮ.
Викладаче того дня понукли свойо домашнї продукти, та нащивителє могли купиц домашню жимнїцу, домашнї овоцово соки, айвар, рижни файти домашнїх колачох, рижни файти прикраскох, сувенири и ручно виробени предмети з рижних материялох.
Жени з „Байкиˮ по традициї за наймладших орґанизовали роботнї, хтори водзела їх членїца, Натка Емейдийова.
И тот Домашнї шпайз потримала Општина Кула, Туристична орґанизация Општини Кула и Локална акцийна ґрупа (ЛАҐ) „Шерцо Бачкиˮ.
