НОВЕ ОРАХОВО – У Доме култури, КУД „Петро Кузмяк” вовторок, 10. марца означене Медзинародне швето женох.
Уж роками тото Дружтво орґанизує преславу на хтору вола свойо активни членїци, а и тоти жени хтори допринєсли розвою КУД. Вовторок ше на поволанку руководства дружтва одволали скоро шицки жени.
На уходзе достали пригодни дарунки, а привитал их член Вивершного одбору Дружтва Славко Варґа. Школяре хтори ходза на виборну наставу руского язика пречитали писнї хтори пошвецени мацером, а за програму их порихтала Татяна Дудаш, хтора отримує виборну наставу. За музику ше остарал Владимир Маґоч.
Друженє тирвало длуго и було видно же таки стретнуца хибя Русанцом у Новим Орахове.
