РУСКИ КЕРЕСТУР – На швето святого Миколая, всоботу 6. децембра 2025. року, у Катедралней церкви св. оца Миколая у Руским Керестуре у трох Службох Божих була Духовна обнова з нагоди Ювилейного року и пририхтованє за Крачунску споведз.
Казательнїк на 8 и нa 10 годзин бул фра Петер Деже зоз Сурчину, а на 17 годзин о. Алексий Гудак, парох зоз Старого Вербасу.
Казательнїк на шицких трох нєдзельових Службох, 7. децембра бул о. Владимир Седлак, парох з Петровцох. У соботових и нєдзельових Службох вельо вирни вихасновали нагоду висповедац ше и випричащац, та достали и заєднїцку Св. Тайну олїва на виздравенє души и цела.
Внєдзелю, после вечаршей Служби Божей було саночне, бо пондзелок, 8. децембра швето Непорочне Зачатиє Пресв. Богородици, того дня и Кирбай у Водици. Дзе будзе на 16 годзин одслужени молебен. Пондзелок и крачунска споведз на шицких Службох.
Треба визначиц же на швето св. Миколая – 6. децембра 2018. року, преглашена Грекоактолїцка епархия св. о. Миколая у Руским Керестуре, хтора того року наполнєла 7 роки.
