ДЮРДЬОВ – У Основней школи „Йован Йованович Змай”, вчера 22. новембра, преславени Дзень школи зоз пригодну програму.
Програма була конципoвана так же през танєц, шпиванку и рецитацию школяре представели живот и дїло визначного писателя Йована Йовановича Змая, по хторим школа и достала мено. Директорка школи Любица Клепич шицким школяром и занятим повинчовала тот дзень.
Шпивало ше и рецитовало на обидвох язикох на хторих ше трима порядну наставу.
Школярох руского оддзелєня за тоту нагоду порихтала учителька Єлена Кухар.
