ШИД – У септембру будзе отримани Еко камп Шид 2025, а контракт о тим подписали у мено локалней самоуправи помоцнїца предсидателя општини Бранимирка Ридьошич и министер без портфеля у Влади Сербиї Дьордє Миличевич.
Як сообщене, окрем младих зоз Сербиї у роботи кампа буду участвовац и млади зоз Болгарскей, Словениї, Нємецкей, Норвежскей, Босни и Герцеґовини, Горватскей, Чарней Гори, Сиверней Македониї и Мадярскей.
Вони буду обрабяц теми як цо пременки клими, отримуюце хаснованє природних богаствох, защита животного штредку, о еколоґийним активизму и еколоґийним поднїмательстве.