РУСКИ КЕРЕСТУР – Нови проєкт кулинара Бранимира Бояновича, хторого зме по тераз знали як менаджера у музичней индустриї.
Од Бояновича дознаваме же уж знята перша пилот епизода, у котрей рихта барене (полїване з врацу воду) коще и домашнї хлєб у желєзней судзини (сач), так волану поґачу.
Боячович планує знїмац и нєдалєко од Осєку, у Баранї, а будзе то „Славонски чобанац“ зоз овци односно баранчеца. Потим будзе и як ше рихта кулен при Словацох у Сербиї, зоз Ґложану, Кисачу або Бачкого Петровцу, а направи и окремни специялитет зоз кулену. У Сриме будзе знати Аласки рибов паприґаш, а у Руским Керестуре планує зняц емисию пред Крачуном, у котрей ше будзе рихтац капущанїки, а вироятнє и риба у руским пецу.
Премиєра того сериялу, котри ше годно опатриц на Ют’юбу, будзе идуцого року або початком лєта, а тиж так буду направени и окремни профили на рижних дружтвених мрежох. Мено того сериялу будзе Ґастро традиция „храна наших предакаˮ .
Кулинарски емисиї Бранимира Бояновича за тераз присутни на вецей дружтвених мрежох на котрих ма профили: на ФБ Бранимир Боянович (FB Branimir Bojanović), та на инстаґраму зоз истим меном, док є на Тик току на порофилу ґастрошурач (gastro.shurach).
