КУЛА/ВЕРБАС – После Беоґраду, Нового Саду и Нишу, Google Street View сервис доступни за ище вецей як 70 городи у Сербиї, медзи нїма и за Кулу и Вербас.
Street view безплатна опция Google map-у, хтора представена 2007. року и дотераз є доступна у 56 жемох ширцом швета, а оможлївює виртуелне обиходзенє городох и местох прейґ панорамских фотоґрафийох, хтори з Google Street View превозки направени на уровню улїци.
На интернету ю мож найсц на адреси https://maps.google.com, вибрац Сербию, вец город, поведзме Кула, або Вербас, зумировац по велькосц улїци и на концу жовту фиґуру чловека з долнього лївого угла екрану прецагнуц до даєдней часци городу.
Сервис доступни и на Google Earth и Google Maps за мобилни телефони.