Ище єдна побида дюрдьовскей Бачки

автор Л. Вереш
536 Опатрене

ДЮРДЬОВ – У 21. колу Подручней фодбалскей лиґи Нови Сад, хторе одбавене 15. априла, фодбалере ФК Бачка 1923 зоз Дюрдьова победзели у стретнуцу зоз фодбалерами Юґовича, резултатом 1:0.

Перши ґол на стретнуцу, та и остатнї, бул за Бачку, у 28. минути.

У другим полчаше фодбалере Бачки мали вецей нагоди направиц розлику у ґолох, алє им ше то нє поспишело. Тиж так, и фодбалере Катю сцели пременїц резултат и мали даскельо добри нагоди, алє по конєц стретнуца резултат остал нєпременєни.

После того кола Бачка ище вше на пиятим месце на таблїчки зоз штерацец и єдним бодом. У шлїдуюцим колу дюрдьовских фодбалерох чека прави сушедни дерби. Вони ше стретню зоз им добре познатим ривалом, зоз фодбалерами ЖСК-а зоз Жаблю.

ПОВЯЗАНИ ТЕКСТИ