РУСКИ КЕРЕСТУР – Дом култури Руски Керестур розписал два конкурси – за нови шпиванки за дзеци за „Червене пупче” и нови шпиванки у забавним духу за „Червену ружу 2023”, хтора будзе отримана 30. юния и 1. юлия.
Обидва конкурси отворени по 31. марец 2023. року, а конкуровац можу шицки заинтересовани особи зоз жеми и иножемства. Єдна особа може буц автор, лєбо коавтор найвецей двох шпиванкох.
Єдно з условийох и же шпиванки котри ше посила на конкурси нє шму буц предходно виводзени.
Прияви на конкурс посила ше по пошти, або особнє на адресу: Дом култури Руски Керестур, Русинска 75, 25233 Руски Керестур, За Фестивал рускей култури „Червена ружа”, лєбо на мейл адресу dk.kerestur@gmail.com
Цали тексти и условия конкурсох мож опатраиц на сайту domkultureruskikrstur.com
