ДЮРДЬОВ – У орґанизациї Заводу за трансфузию креви Войводини зоз Нового Саду и Червеного крижу Жабель вчера, 20. авґуста у просторийох Месней заєднїци Дюрдьов, од 8 по 10:30 годзин отримана акция добродзечного даваня креви.
На акцию ше одволали двацец двойо давателє, з того пейц жени. После препатрунку дохтора, крев нє дали два особи, а єдна особа першираз дала крев.
З тей нагоди запровадзени шицки гиґиєнско-санитарни мири. Орґанизаторе подзековали шицким котри ше одволали на акцию.
