НОВИ САД – Йожеф Клем остава на месту окончователя длужносци ґенералного директора Явней медийней установи Радио телевизиї Войводини.
Клем вчера, скорей як отримана схадзка Управного одбора РТВ, писмено поцагнул задзекованє хторе скорей послал, алє воно нє сцигло по схадзку, та УО нє могол буц упознати зоз його одлуку.
На вчерайшей схадзки УО прилапел поцагованє задзекованя и понїщел одлуку о менованю нового о.д. директора РТВ.
Шицки други одлуки зоз схадзки и далєй оставаю на моци, цо значи же анї єден з двох кандидатох нє достал нєобходну двотрецинску потримовку членох УО за вибор за директора тей установи.
Тиж так, на моци остава и одлука о розписованю нового конкурсу за вибор директора ЯМУ Радио телевизиї Войводини.