Керестурски паломнїки були у Медюґорю (фото)

автор Ол. Папуґа, Фото: С. Ройко
402 Опатрене

МЕДЮҐОРЄ (БОСНА И ГЕРЦЕҐОВИНА) – Двацецеро парохиянє зоз Руского Керестура, а и зоз других местох прешлого викенду були у Босни и Герцеґовини на паломнїцтве у Медюґорю, дзе ше 24. юния 1981. року шесцерим дзецом указала Пречиста Мац Божа з дзецком у наручу. Тото мале живописне место постало єдно з найпознатших святилїщох на швеце.

Окремне искуство паломнїком дала нащива Заєднїци Ченаколо, при Медюґорю дзе ше дзивчата и хлапци лїча од хоротох зависноци, т.є. дроґи, коцки, алкоголу. Таки заєднїци єст 71 у 20 державох швета. На тим месце паломнїки чули искуства младих хтори вошли до злох сучасного живота и зоз хторого нє було виходу. У заєднїци з лїками, алє окреме з молитву и роботу уходза до нового швета без зависносци. Мац Елвира визначела же млади хтори приходза до Ченакола нє доставаю класичну терапию, алє школу живота хтору жию у радосци и єдноставносци.

ПОВЯЗАНИ ТЕКСТИ