Кирбай у Ґосподїнцох

автор Д. Иванов
143 Опатрене

ҐОСПОДЇНЦИ – У полней церкви Св. Архангела Михаила у Ґосподїнцох, вовторок 21. новембра, преславене храмове швето – Кирбай.

Служба Божа була на 10 годзин и предводзел ю владика кир Георгий Джуджар, сослужели о. др Борис Холошняй и о. Платон Салак, а шпивали члени фамелиї Холошняй, як и домашнї священїк о. Михаил Холошняй.

Церква була полна вирних, домашнїх и госцох, на вельку радост цалей парохиї.

Владика кир Георгий Джуджар пожадал щешлїви кирбай и у своєй казанї гварел же нас наш ангел хранитель чува од каждого зла. „Святи ангел хранитель ше стара за нас, наш дух, нашо цело, наш розум, нашу волю, нашу чисту совисц и нашу чисту душу.”

Вечар пред Кирбайом 20. новембра, на 17 годзин було бдиниє котре служел о. др Борис Холошняй. Шпивали члени хора „Розанов” зоз Дюрдьова. После бдиния було мированє и друженє домашнїх и госцох у церковней сали.

Предсидатель церковного одбору Владимир Иванов гварел же му мило же на швето до церкви пришло вельо людзох, и же бул и владика. Подзековал шицким донатором котри оможлївели реновиранє закрица на церкви. А мило му же обставаю и напредую, гоч их єст мало. Планую ище на яр обилїц церкву з вонка. Трудза ше кельо ґод можу отримац заєднїцу вирних у Ґосподїнцох.

ПОВЯЗАНИ ТЕКСТИ