КОЦУР – По сообщеню ЯКП „Комуналєц” Вербас, акция одношеня кабастого одпаду у населєних местох вербаскей општини будзе орґанизована у периоду од 8. по 12. май, зоз порядним одношеньом шмеца.
Апеловане на шицких гражданох же би найпознєйше до 7 годзин винєсли кабасти ствари пред свойо обисца. Под кабастим одпадом ше подрозумює стари мебель, ґуми за авта, стара била технїка, тварда пластика, склєняна амбалажа и подобне. Нє треба виношиц будовательни материял и одпад животиньского походзеня прето же нє будзе однєшени.
По розпорядку, одношенє кабастого одпаду у Савиним Селу будзе 8. мая, у Равним Селу 9. мая, у Змаєве 10. мая, у Бачким Добрим Полю 11. мая, а у Коцуре пияток, 12. мая.
Зоз „Комуналцу” апелую на шицких гражданох же би вихасновали тоту акцию и ришели ше одпаду зоз своїх обисцох.