ВЕРБАС – Рождество Христово преславене у Старим Вербаше, у Церкви Покрова Пресвятей Богородици, на Вилїю вечар, 6. януара як и ютредзень, на пеши дзень Крачуна у Служби Божей.
На Вилїю читана Евангелия по св. Лукови, о хторому и у казанї о. Алексий Гудак, парох старовербаски, бешедовал же наведол точни период кеди Исус народзени, бо як гварел, наводзел юдейских владарох у тедишнї час.
Саночне, хторе почало вовторок на 8 годзин вечар, а вец и Служба Божа хтора була 7. януара на 10 годзин, закончени зоз мированьом парохиянох и госцох хтори на тото найрадоснєйше швето пришли до вербаскей церкви.
Паноцец Гудак на перши дзень Крачуна служел службу и за грекокатолїкох у Змаєве.
