НОВИ САД – Од авґустовско-септемберского числа одвичательна редакторка Часописа за дзеци „Заградка“ будзе Мая Зазуляк Гарди.
Вона од конца 2013. року була одвичательна редакторка Мултимедиялного часописа за младих МАК. Дотерашня редакторка часопису „Заградка“ Мелания Римар у юлию пошла до пензиї.
Мая Зазуляк Гарди визуално осучаснєла часопис МАК, приблїжела го широкому кругу младих читачох и подполно онлайн диґитализовала змисти за младих по руски. Змисти за наймладших Зазуляк Гарди почала рихтац ище 2021, як редакторка и координаторка проєкту сликовнїци и вифарбйованки за дзеци „Кухня“, интеркултурални проєкт котри того року обишол нашо места.
Часопис за дзеци „Заградка“ того року означує 75-рочнїцу, а часопис за младих МАК пол вика.