РУСКИ КЕРЕСТУР – Штернасте медзиокружне змаганє з руского язика и язичней култури будзе отримане на соботу, 6. априла у Основней и штреднєй школи зоз домом школярох „Петро Кузмяк” у Руским Керестуре.
На змаганю, тести буду ришовац школяре од пиятей по осму класу зоз трох основних школох хтори маю порядну наставу по руски, як и школяре зоз двацец двох основних школох у хторих ше учи руски язик зоз елементами националней култури як виборни предмет.
Змаганє орґанизую Министерство просвити Републики Сербиї, Дружтво за руски язик, литературу и културу и ОШШ зоз домом школярох „Петро Кузмяк” зоз Руского Керестура.