ЖАБЕЛЬ – У Омладинским центру општини Жабель, у рамикох Канцелриї за младих, отримане преподаванє о опасносцох яки єст на интернету зоз фокусом на найхаснованши дружтвени мрежи. Школяре Штреднєй школи „22. октобер” учели як ше треба справовац на дружтвених мрежох и то од длугорочней едукаторки о безпечносци на интернету Катарини Йонев, хтора преподаваня на тоту тему трима по цалей Сербиї.
Школяре мали нагоду чуц приклади хтори ше случели їх парняком, алє и достац директни совити як буц безпечни у виртуалним швеце. Преподаванє було интерактвине, през реални приклади и на основу вецейрочного искуства едукаторки о защити на интернету.