РУСКИ КЕРЕСТУР – У рамикох 62. Фестивалу рускей култури „Червена ружаˮ, а после змагательней часци, вчера отримани и Музични вечар „Юлиян Рамач Чамо” на хторим публика послухала дзешец фамелийни дуети, од хторих велї з нїх дакедишнї добитнїки титули „найкрсши гласˮ на тим фестивалу.
На отвореней сцени у школи „Петро Кузмякˮ наступели – Наташа Фейди и Весна Медєши, Звонко и Дориан Чизмарово, потим Хелена Ерноич и Ана Бучко, Владимир и Борис Маґочово, Тамара Балоґ и Валентина Салаґ, Емил и Кристиян Нярадийово, Снежана и Мирослав Малацково, Еуфемия и Александар Планкошово, Михал и Борис Барново, як и Саня Дивлякович и Мирела Тимко.
Шпивачох провадзел Оркестер керестурского Дома култури, руководителє змагательней часци „Ружиˮ були Ребека Планчак, Адриана Надь Барна и Мая Зазуляк Гарди, а Зазуляк Гардийова и Надь Барнова руководзели и зоз Музичним вечаром „Юлиян Рамач Чамоˮ. Авторка конферанси була Мая Зазуляк Гарди.
През музичну програму, публику водзели Адриана Надь Барна и Андрей Орос.
