12. МАЙ – Нєшка Медзинародни дзень медицинских шестрох.
1820 – Народзела ше Флоренс Найтинґейл (Фиренца, нєшка Италия, 12. май 1820 – Лондон, Зєдинєне Кральовство, 13. авґуст 1910), робела як пестунка, орґанизаторка, реформаторка и учителька, була снователька шестринства у рамикох медицини.
у филму Славица
1947 – У Беоґрадзе першираз приказани филм Славица, у главних улогох ґлумели Ирена Колесар, Марян Ловрич и Любиша Йованович. Знїманє филма тирвало єден рок, режисер и сценариста бул Вєкослав Африч, а знїматель Жорж Скриґин. Филм Славица бул перши югославянски филм после Другей шветовей войни беоґрадского студия Авала филм и зачатнїк жанра партизанского филма.
1990 – У Новим Садзе основани Союз Руснацох и Українцох Югославиї, тераз Союз Руснацох Українцох Сербиї.
Нєшка Медзинародни дзень медицинских шестрох. Медзинародни совит медицинских шестрох (International Council of Nurses – ICN) означує свой дзень од 1965. року, на дзень народзеня Флоренс Найтинґейл, британскей медицинскей шестри, зачатнїци модерного шестринства як професиї.