28. СЕПТЕМБЕР – Нешка ше означує Дзень желєного купованя.
1864 – Основана Перша интернационала, Медзинародне здруженє роботнїкох.
1924 – Народзел ше филмски ґлумец Марчело Мастрояни (Фонтана Лири, Италия, 28. септембер 1924 – Париз, Французка, 19. децембер 1996). Добитнїк є награди Британскей филмскей академиї, награди за найлєпшого ґлумца на Канским фестивалу и двох наградох Златни ґлобус.
1934 – Народзела ше филмска ґлумица Брижит Ан-Мари Бардо (Париз, Французка, 28. септембер 1934 – Сен Тропе, Французка, 28. децембер 2025), найвекши филмски секс символ, була активисткиня за права животиньох.
1990 – У Скупштини Сербиї прилапени нови Устав, запровадзена вецейстранкова политична система, а покраїни Войводина и Косово страцели атрибути державносци и постали териториялни автономиї.
Нєшка Дзень поставяня глупих питаньох (Ask a Stupid Question Day). Порушали го наставнїки у ЗАД 1980. року же би ше школяре одшмелєли опитац шицко цо их интересує без страху од вишмейованя. Пориченє таке же анї єдно питанє нє глупе.
Дзень желєного купованя (World Green Consumer Day). Тот дзень у велїх еколоґийних календарох од 1988. року и здогадує же кельо важни одлуки о тим цо каждодньово купуєме за защиту планети. Акцент на купованю поживи и продуктох без чкодлївих пестицидох и штучних додаткох, купованю тирвацих продуктох а нє тих цо ше лєм раз хаснує, до дутяну пойсц зоз платнову ташку, а нє найлонови мещок…