4. МАЙ – Нєшка Медзинародни дзень огньогасцох.
1780 – У Епсому у Анґлиї отримани перши обегованя коньох.
1825 – Народзел ше биолоґ и филозоф Томас Генри Гаксли (Лондон, 4. май 1825 – Истборн, 29. юний 1895), поборнїк теориї еволуциї Чарлса Дарвина.
1827 – Народзел ше анґлийски виглєдовач Джон Ганинґ Спик (Девон, Анґлия, 4. май 1827 – Нестон Парк, Анґлия, 15. септембер 1864), перши Европян хтори видзел африцке озеро Виктория и твердзел же воно жридло Нила.
1929 – Народзела ше ґлумица Одри Гепберн (Иксел, Белґия, 4. май 1929 – Толошна, Швайцарска, 20. януар 1993), амбасадорка добрей дзеки УНИЦЕФ. Достала награду Оскар за улогу у филму Швето у Риме.
1959 – Отримане перше додзельованє Ґреми награди (Grammy Awards) у хотелу Беверли Хилтон у Лос Андєлесу у ЗАД. Медзи першима добитнїками були Ела Фицджералд и Каунт Бейси. Награди ше додзелює за окремни доприношеня у музики и дискоґрафиї, а додзелює их НАРАС – Академия за дискоґрафску уметносц и науку (The National Academy of Recording Arts & Sciences, Inc).
1994 – Емитовани перши сервис вистох зоз чим почала з роботу беоґрадска нєзависна новинска аґенция Бета.
Нєшка Медзинародни дзень огньогасцох, хтори ше означує од 1999. року.