ШИД – У Руским доме вчера отримана роботня на хторей школски дзеци зоз Шиду, Бачинцох, Беркасова и Бикичу фарбели писанки.
Рижни технїки, од хторих векшина сучасни, прицагли дзецинску увагу. А як ше фарби писанки дзецом указовали наставнїца Наташа Еделински Миколка и предсидателька Здружена женох „Маря“ Ясминка Димитриєвич.
Школяре ше потим и сами опробовали у фарбеню и прикрашованю писанкох, а на нєдзелю на Вельку ноц на 16 годзин у Руским доме будзе отримане традицийне змаганє за наймоцнєшу писанку.
