Нa схадзки СО Вербас усвоєни ребаланс буджету

автор Ол. Русковски
439 Опатрене

ВЕРБАС – У сали за схадзки Скупштини општини Вербас вовторок, 17. октобра, отримана XXV схадзка локалного парламенту на котрей одборнїки принєсли одлуку о ребалансу буджету за 2023. рок.

По словох предсидателя општини Вербас Предраґа Роєвича, ребаланс буджету предложени прето же обезпечени средства за порушованє трох капиталних проєктох котри маю огромне значенє за општину Вербас и єй гражданох, пренєсол општински сайт.

Слово о инвестицийох вкупней вредносци 192,7 милиони динари, а буду унапрямени на партерне ушоренє площи опрез Дому култури у Равним Селу, зоз ушорйованьом спортского терену и опреманьом обєкту, вредносци 105 милиони динари. Потим за реконструкцию и санацию Городского стадиону у Вербаше, вкупней вредносци 38,9 милиони динари и реконструкцию Дому култури у Змаєве, вредносци 48,8 милиони динари.

З ребалансом ше видвоює и додатни пенєж за Културни центер Вербас, додал Роєвич, за Явну библиотеку „Данило Киш”, Центер за физкултуру, Предшколску установу „Бошко Буха”, а звекшани и видвойованя за превоз студентох и за роботу месних заєднїцох.

На схадзки Скупштини општини Вербас усвоєни и Локални план за управянє зоз одпадом за општину Вербас за период од 2023. по 2032. рок, потим согласносц Управному одбору Културного центру Вербасу за розписованє и запровадзованє Явного конкурсу за менованє директора Културного центру Вербасу, як и числени предклади Комисиї за кадрово, административни питаня и роботни одношеня Скупштини општини Вербас.

зоз питанями одборнїкох,.

ПОВЯЗАНИ ТЕКСТИ