БИКИЧ – У Доме култури, а у орґанизациї Месней заєднїци Бикич и КПД „Иван Котляревски“ першираз отримани Вельконоцни змаганя у вецей обласцох.
У змаганю за наймоцнєйшу писанку победзел Штефан Бобяль, а як нам спред орґанизаторох гварел Деян Бобаль, и на тот способ ше жадало дзецом приблїжиц Вельку ноц и прето шицки и були наградзени.
Тиж ше виберало и найкрасшу писанку, а отримани и бависка схопносци як цо преношенє писанки у ложки, потим хто швидше предрилї писанку з ложку, бависко „горуце вайцо“, потим бависко кед танцую, а єст єдна писанка менєй и хто вежнє писанку, а нє будзе елимоновани.
