Наютре и у Коцуре будзе орґанизовани упис до ОВС

автор я. дюранїн
914 Опатрене

КОЦУР – У канцелариї матичара у Коцуре, у чаше од 17 по 20 годзин, наютре 26. авґуста и на гевтот пияток 2. септембра, будзе оможлївене уписованє од Окремного виберацкого списку (ОВС) рускей националней меншини.

Уписац ше муши кажде особнє, нєобходне зоз собу вжац особну леґитимацию, а у матичара будзе обезпечена помоц за пополньованє формулара.

Тоти два термини за упис винїмково, на основу инициятиви Одбору за службене хаснованє язика и писма при Националному совиту Руснацох.

Позарядови упис будзе орґанизовани и у Дюрдьове, 31. авґуста и 1. септембра.

Лєм особи уписани до ОВС годни гласац, потримац кандидатуру, лєбо ше кандидовац на наиходзацих виберанкох за нове зволанє Националного совиту Руснацох, а кед дахто нє сиґурни чи є там уписани, може превериц на ТИМ ЛИНКУ.

Национални совит Руснацох поволує шицки полнолїтни особи, а окреме младих хтори од 2018. року потераз наполнєли 18 роки, же би вихасновали право хторе маме и уписали ше до Окремного виберацкого списку.

ПОВЯЗАНИ ТЕКСТИ