Найвецей ше предавало жито

автор М. Тамаш
168 Опатрене

НОВИ САД – На Продуктней берзи Нови Сад прешлoго тижня, од 9. по 13. децембер, цени примарних польопривредних културох були векши, а и обсяг обтоку звекшани аж за 137,09% у одношеню на тидзень скорей, сообщене зоз того подприємства.

Прейґ Продуктней берзи предате вкупно 5.925 тони роби чия вкупна финансийна вредносц 142.370.910 динари.

З кукурицу ше надосц тарґовело и вона забера 43% вкупного обтоку, а предавало ше ю по цени од 19 по 20 дин/кг без ПДВ-a, у зависносци од анализи на афлатоксин и паритетох. Пондерована цена була 19,47 дин/кг без ПДВ-a (21,41 дин/кг з ПДВ-oм), за 6,11% векша як тидзень скорей.

Поглєдованє жита було менше як понуканє, а заш лєм жито забера 51% вкупного обтоку. Контракти заключовани у ценовним розпону од 22,65 пo 23,00 дин/кг без ПДВ-a, у зависносци од квалитета и паритетох. Пондерована цена була 22,77 дин/кг без ПДВ-a (25,05 дин/кг з ПДВ-oм), за 1,21 % векша як тидзень скорей.

Тарґовище сої було пасивне. Статкови ярец ше предавало вецей як тидзень скорей, по цени од 22,70 – 22,80 дин/кг без ПДВ-a, а цена була векша за 5,81% у одношеню на тидзень скорей.

Предавало ше и минерални гної Уреа (UREA) по цени од 44,34 пo 45,74 дин/кг без ПДВ-a (378 пo 390 €/т без ПДВ-a) у зависносци од пакованя и паритета и АН (AN) мадярски по цени од 35,90 дин/кг без ПДВ-a (306 €/т без ПДВ-a) за пакованє 25/1.

ПОВЯЗАНИ ТЕКСТИ