Нєшка почина Закончуюци испит за осмакох

автор М. Афич
183 Опатрене

РУСКИ КЕРЕСТУР – По вименки Календара активносцох котра пияток сцигла з Министерства просвити, Закончуюци испит за матурантох основней школи почина дзень познєйше т.є. нєшка 18. юния, и будзе 19. и 20. юния.

Так Закончуюци испит нєшка почина и у Основней школи „Петро Кузмяк” котри буду покладац 42 школяре осмей класи. Нєшка од 9-11 годзин школяре буду писац тест зоз мацеринского, одн. руского язика, на ютре 19. юния зоз математики, а 20. юния и треци тест з предмету хтори вибрали од пейц понукнутих.

У керестурскей Школи осмаки ше у тим трецим тесту опредзелєли так же 19 вибрали писац тест зоз биолоґиї, 10 зоз хемиї, 4 з ґеоґрафиї, 7 зоз историї и 2 зоз физики.

Закончуюци испит ма циль же би школяре указали свойо знанє у першим основним образовним циклусу а резултати тестох, т.є. посцигнути боди ше рахую за упис до штреднїх школох.

У согласносци зоз вименками Календара активносцох шицки испитни активносци ше тиж так поцагую за єден дзень.

ПОВЯЗАНИ ТЕКСТИ