ЕПАРХИЯ СВ. МИКОЛАЯ – У векшини парохийох нашей Епархиї св. Миколая, нєшка ше означує швето Миколая архиепископа, чудотворца хтори умар 19. (6) децембра 343. року, а бул епископ у Мири Ликийскей у Малей Азиї у тедишнїм Римским царстве, а нєшкайшей Турскей.
По нєшкайши днї св. Миколая почитує цала християнска церква як чудотворца, бо з його мощох нєпреривно чече миро. Почитує ше го и як велького дарователя худобних, защитнїка морякох, як и защитнїка велїх городох, та и державох.
Миколайов дзень ше преславює и як швето дзецох хторим ше вечар пред шветом пририхтує дарунки, а по наших парохийох ше пририхтує и пригодни програми.