НОВИ САД – Вивершни одбор Националного совиту Руснацох (НСР) нєшка 12. марца отрима 29. порядну схадзку.
На схадзки ше будзе розпатрац звити о роботи за прешли рок, плани роботи и финансийни плани за тот рок НСР, його одборох и роботних целох, тиж и установох хторим НСР снователь – Руски народни театер „Петро Ризнич Дядя, НВУ „Руске слово” и Завод за културу войводянских Руснацох.
Попри тим, будзе слова о лїстини препоручених проєктох по Конкурсу за финансованє и софинансованє проєктох з обласци културних дїялносцох националних меншинох (Министерство култури).