НОВЕ ОРАХОВО – Дзень присельованя Руснацох до Нового Орахова хтори ше одбул 13. мая 1946. року, того року ше святочно преслави на соботу, 17. мая.
Того дня ше бициґлисти на 9 годзин рано руша до Руского Кересура, а бежац по Керестур буду Томислав Джуня и Урош Славчев. После окрипеня у Руским Кересуре бициґлисти и бежаче ше враца до Нового Орахова, дзе их коло 14 годзин дочекаю домашнї.
На 16 годзин будзе благодарна Служба Божа, а после нєй на 17:15 почню Усни новини НВУ Руске слово у Доме култури.
На 19 годин будзе културно-уметнїцка програма на хторей будзе участвовац КУД Петро Кузмяк и їх госци медзи котрима насупи и дюрдьовске КУД Тарас Шевченко.
Покровителє манифестациї Покраїнски секретарият за културу, Општина Бачка Тополя и Национални совит рускей националней меншини.