СУБОТИЦА – На обегованю котре отримане у Суботици, участвовали и два гарла зоз Конїцкого клубу „Русин” котри зазначели красни резултат.
Иґор Папуґа – його „Марко” завжал треце место, док Иґор Надь – його кобула „Полонеза” завжала штварте место, котру гонєл Йован Попин, искусни вожач.
На тим обегованю обидва гарла участвовали у истей точки дзе єст 11 конї, бежали до 2.000 боди, а обеговали ше на 2.150 метери и зазначели шлїдуюци резултати:
„Марко” Иґора Папуґу вибежал 1:20:9, а „Полонеза” Иґора Надя вибежала 1:21:2 по километру.
Обегованє ношело назву „Intercom Subotica” и у тей партиї бежало 11 конї од 12 максимално кельо може стартовац.
Орґанизатор того обегованя бул Конїцки клуб „Бачка” зоз Суботици.
