ДЮРДЬОВ – Осме огньогасне змаганє шайкашскей реґиї отримане прешлей нєдзелї, 6. октобра у Дюрдьове.
Сход екипох бул на 8 годзин на економиї. По оформйованю ешалонох, огньогасци рушели у дефилеу през Святосавску улїчку по спортски полиґон дзе було отримане и змаганє.
Седем екипи зоз Дюрдьова, Ґосподїнцох, Шайкашу, Качу, Ковилю, Бачкого Ярку и Нового Саду змагали ше у трох дисциплинох: камион, нацагованє штранґа и скаканю у мехох. У першей дисциплини, перши три места завжали екипи Бачки Ярак, Шайкаш и Ковиль. У другей дисциплини найлєпши екипи були Шайкаш, Дюрдьов и Ковиль, а у трецей дисциплини найлєпши екипи були екипи зоз Ковилю, Бачкого Ярку и Качу.
Отримованє змаганю финансийно потримали пекара ,,Буки”, предавальня ,,Ґоґи и Сара”, месара ,,Милич”, предавальня ,,Живинастия” и гамбурґерия ,,Код Биби”.
