РУСКИ КЕРЕСТУР/КРУЩИЧ – У просторийох Месних заєднїцох у Руским Керестуре и Крущичу, вчера 27. юния, у предполадньових годзинох отримана порядна акция добродзечного даваня креви на хтору ше одволал вкупно двацец єден граждан.
Од вкупно 14 гуманих валалчаньох у Руским Керестуре хтори дали крев, пейц були жени, двойо пре здравствени причини одбити, а штири особи першираз дали крев.
У Крущичу од седмерих хтори дали крев, була єдна жена, а нїхто нє одбити.
Орґанизатор акциї Завод за трансфузию креви Войводини у сотруднїцтве зоз Червеним крижом Кула, а по словох їх фахового сотруднїка Оливера Толдия, акция слабша як потераз. Обачлїво було и менєй младих и нових давательох креви, понеже просекови рок старосци давательох бул коло 40 роки.
Зоз Червеного крижу апелую же єст потреба за кажду кревову ґрупу, гоч су дефицитарнєйши зоз неґативним Rh фактором.
