ШИД – У Лєтнєй владическей резиденциї всоботу, 12.априла, пред наиходзацу Вельку ноцу, отримана роботня писаня писанкох за школярох хтори факултативно уча руски язик з елементами националней култури у основних школох шидскей општини.
Дзецом представени вецей технїки писаня писанкох, а єден нєзвичайни, алє и вше заступенши способ прикрашованя представел Борислав Барна, дакедишнї длугорочни предсидателп КПД „Дюра Киш” у Шидзе хторому прикрашованє писанкох гоби.
Барна указал як ше зоз брушачку вирабяю рижни мотиви з вирезованьом лупи на гусковим вайцу, а його дзивка Бояна указала традицийни способ писаня писанкох зоз воском.
Окрем едукативних хвилькох, бул то час и за друженє дзецох, а шицко надпатрала наставнїца хтора виклада руски язик Любов Зейкан Бобаль. Були присутни и парох у Шидзе о. Мухайло Режак и парох у Беркасове о. Владимир Еделински Миколка.
