НОВЕ ОРАХОВО – Треце стретнуце тамбурових оркестрох „Ораховска єшень” отримане всоботу, 21. октобра у Новим Орахове.
Програма почала на 19г, а на нєй участвовал Тамбурови оркестер КУД „Жатва” зоз Коцура, Тамбурови оркестер Дома култури Руски Керестур „Юлиян Рамач Чамо”, Тамбурови оркестер драмского литературного Здруженя „Ґраца Янош” зоз Нового Орахова, Тамбурови оркестер „Мендикус” зоз Чантавиру, „Ади Ендре” зоз Торньошу, и Тамбурови оркестер домашнїх КУД „Петро Кузмяк” з Нового Орахова.
Шицки тамбурово оркестри одграли вецей народни писнї, а зоз коцурским дружтвом шпивали Мелания Мали и Марина Тодич, а зоз керестурскима дзивоцка шпивацка ґрупа Дома култури. На концу програми шицки оркестри и шиваче одшпивали шпиванку „Червена ружа трояка”, по мадярски и по руски.
Стретнуце орґанизовало КУД „Петро Кузмяк” з Нового Орахова.
