ШИД – У Руским доме, а у орґанизациї КПД „Дюра Киш“ всоботу, 17. фебруара отримани традицийни бал на хторим ше зишло коло 80 госцох зоз Шиду, Беркасова, Бикичу, Бачинцох, а було и госцох з Вуковару.
Медзи нащивителями бул и предсидатель СО Шид Тихомир Стаменкович зоз супругу як и нашо паноцове о. Михайло Режак, о. Дарко Рац, о. Владимир Еделински Миколка и почесни член дружтва др Бранислав Маукович.
Окрем смачней вечери и доброго напою, орґанизована и рижнородна томбола, а за добре розположенє госцох ше остарал оркестер Дружтва. Балованє тирвало по ранши годзини.
