Ознова нєпогода, церкви у Бачинцох и Бикичу барз очкодовани

автор Я. Дюранїн
510 Опатрене

НОВИ САД – Вчера у вечарших годзинох велька нєпогода сцигла до Войводини зоз заходней часци реґиону, спричинююци вельку материялну чкоди, а даскельо особи и покалїчени.

На драги зоз Словениї и Горватскей перши на вдереню бул Срим, а нашо церкви у Бачинцох и Бикичу барз очкодовани. У Бачинцох спадла турня на закрице и спричинєла вельку материялну чкоду, а у Бикичу звалєла криж. То перши нєурядово податки, а яка наисце чкода будзе ше знац познєйше.

Спадла турня зоз бачинскей церкви

Моцни витриско валял стебла по улїчкох Нового Саду, ношел огради и закрица а, по перших инфомацийох, найгорше прешло Нове населєнє и Лимани, дзе древа спадли на паркировани авта. Як пишу локални медиї, єст покалїчени и даскельо особи. Векша часц варошу и околних населєньо була без струї, а вода ше и после нєпогоди затримала на улїчкох.

ПОВЯЗАНИ ТЕКСТИ