НОРТ БАТЛФОРД (КАНАДА) – Числени руски приселєнци у Норт Бателфорду, прешлей нєдзелї, 5. априла вєдно зоз своїма фамелиями присуствовали на Вельконоцней Служби Божей.
Попри других парохиянох Українскей Католїцкей церкви Шицких Святих у Норт Батлфорду, у Вельконоцней Служби Божей участвовали и вецей як 60 члени наших фамелийох.
Службу служел паноцец о. Леонид Малков хтори и пошвецал прекрашнє украшени кошарки полни зоз нашим традицийним єдзеньом яке ше рихна за Паху.
