ВОЙВОДИНА – Жимски розпуст за школярох у Войводини закончени и нєшка почина друге полроче. За школярох у Сербиї жимски розпуст тирва ище тидзень и вони ше до школских лавкох враца 19. янура.
По Правилнїку о школским календаре за основни школи зоз шедзиском на териториї АП Войводини за школски 2025/2026. рок, хтори принєсол Покраїнски секретарият за образованє, предписаня, управу и национални меншини – национални заєднїци друге полроче почина нєшка, 12. януара.
За школярох осмей класи друге полроче ше закончи на пияток, 29. мая, односно на пияток, 12. юния за школярох од першей по седму класу.
И стредньошколцом друге полрочe почина нєшка, 12. януара, а закончує на пияток 19. юния. За школярох IV класи ґимназиї друге полрочe ше закончи на пияток, 22. мая 2026. року, а за школярох III класи трирочного и IV класи штирирочного образованя фахових школох на пияток 29. мая.
Цали календар мож опатриц на сайту покраїнского секретарияту.