ВОЙВОДИНА – Жимски розпуст за школярох у Войводини закончени и нєшка почина друге полроче. За школярох у Сербиї жимски розпуст тирва ище тидзень и вони ше до школских лавкох ше враца 22. янура.
По Правилнїку о школским календаре за основни школи зоз шедзиском на териториї АП Войводини за школски 2023/2024. рок, хтори принєсол Покраїнски секретарият за образованє, предписаня, управу и национални меншини – национални заєднїци друге полроче почина на пондзелок, 15. януара 2024. року.
Друге полроче ше закончує на пияток, 31. мая за школярох осмей класи, односно на пияток 14. юния за школярох од першей по седму класу.
Школяре ище буду мац ярнї розпуст, хтори почина на штварток, 28. марца, а закончує ше на стреду, 3. априла 2024. року.
Школяре осмей класи буду покладац пробни закончуюци испит на пияток, 22. марца и на соботу, 23. марца 2024. року, а закончуюци испит на пондзелок, 17. юния, на вовторок, 18. юния и на стреду, 19. юния 2024. року.
И стредньошколцом друге полрочe почина нєшка, 15. януара, а закончує на пияток 21. юния 2024. року.
Друге полроче за школярох IV класи ґимназиї ше закончує на пияток, 24. мая, а за школярох III класи тророчного и IV класу штиророчного образованя фахових школох на пияток 31. мая 2024. року.
Цали календар мож опатриц на сайту покраїнского секретарияту.